牛肉配馬鈴薯 同 雞肉飯 ?

曾經有人說過, 這一輩子當空服員的女孩，前世可能是天使，因為難忘過去飛翔的記憶，所以選擇另一種最貼近天空的飛行方法。
-<<火星空姐襲地球>>

火星空姐一書入面提到有這樣的一個故事 :
(以下文字經改編, 只保留對話大概意思, 原文請參閱原書)


送餐時間
空姐: 先生你好!  今日我地有牛肉配馬鈴薯 同 雞肉飯. 
客: 牛肉飯啊.
空姐: 唔好意思啊先生. 我地今日牛肉係跟馬鈴薯.
客: 我唔食馬鈴薯架.
空姐: 咁不好考慮下雞肉飯啊, D雞肉好新鮮啊.
客: 唔…..都好…咁要雞肉麵啊.....唔該.
空姐: 呀!!!!! !(雙手抱頭)
----------------------------------------------------------------------
最近每次路過書店, 都停下來打書釘, 所分享之事確實精采. 
下會再看就直接把你買回家. 

"日本"城啟示錄

這是一段發生在某香港連鎖家品店日本城內的真實對話.

一粗眉客人選購了一個不銹鋼煎Pan, 正往收銀處付款.

收銀: 98蚊!

粗眉客: 俾個膠袋我啦!

收銀: 膠袋要5毫架喎!

粗眉客: 挑,  5毫我俾唔起咩. 無袋點拎啊…5毫都嘈生曬…你睇我似5毫都俾唔起咩?

收銀: 唔係怕你俾唔起, 不過有D人會介意, 我講你聽啫.

粗眉客: 你咩日本城啊, 日本人好有禮貌架嘛, 邊似你咁啊, 唔銀識做生意架.

收銀: 唔好意思, 我係中國人!

粗眉客:  &^#@&$@#**&@

聽到呢度, 後面排緊隊的人群已經笑到碌地, 但係短短幾句對話裡面, 帶出左3個啟示.

1) 凡事唔好只睇表面, 日本城確實係同日本無咩關係.

2) 說話係一種藝術. 如果果句” 膠袋要5毫架喎!”的疑似問句改為:”多謝, 98個半”之類 的直接陳述, 之後既對話就可能唔會發生.

3) 睇相佬話, 男人眉粗衝動脾氣硬, 遇到呢D客要打醒十二分精神.