"日本"城啟示錄

這是一段發生在某香港連鎖家品店日本城內的真實對話.

一粗眉客人選購了一個不銹鋼煎Pan, 正往收銀處付款.

收銀: 98蚊!

粗眉客: 俾個膠袋我啦!

收銀: 膠袋要5毫架喎!

粗眉客: 挑,  5毫我俾唔起咩. 無袋點拎啊…5毫都嘈生曬…你睇我似5毫都俾唔起咩?

收銀: 唔係怕你俾唔起, 不過有D人會介意, 我講你聽啫.

粗眉客: 你咩日本城啊, 日本人好有禮貌架嘛, 邊似你咁啊, 唔銀識做生意架.

收銀: 唔好意思, 我係中國人!

粗眉客:  &^#@&$@#**&@

聽到呢度, 後面排緊隊的人群已經笑到碌地, 但係短短幾句對話裡面, 帶出左3個啟示.

1) 凡事唔好只睇表面, 日本城確實係同日本無咩關係.

2) 說話係一種藝術. 如果果句” 膠袋要5毫架喎!”的疑似問句改為:”多謝, 98個半”之類 的直接陳述, 之後既對話就可能唔會發生.

3) 睇相佬話, 男人眉粗衝動脾氣硬, 遇到呢D客要打醒十二分精神.